2015 թվականի սկզբից Հայաստանում 110 հազար տոննա պտուղ են աճեցրել: Այս մասին այսօր՝ հուլիսի 15-ին, լրագրողների հետ հանդիպման ժամանակ հայտարարել է գյուղատնտեսության փոխնախարար Սամվել Գալստյանը՝ հավելելով, որ այդ ծավալից 86 հազար տոննան բաժին է հասել ծիրանին:
Նրա խոսքով, կորիզային պտուղների համար այս տարին բարձր բերք է խոստանում:
Ծիրանի մեծ բրք է սպասվում բոլոր ավանդական տարածաշրջաններում՝ Արարատյան դաշտում, Վայոց Ձորի մարզում, Արագածոտնի նախալեռներում: «Նախորդ տարի, եթե հիշում եք, ծիրանի բերքը շատ քիչ էր, իսկ այս տարի հույս ունենք գերազանցել 2013 թվականի ցուցանիշը: Նախորդ տարվա համեմատ բերքի նվազում կարող է լինել միայն դեղձի դեպքում՝»,-հավելել է Գալստյանը:
Հիշեցնենք, որ 2013 թվականին, ըստ վիճտվյալների, հանրապետությունում աճեցվել է 88,8 հազար տոննա ծիրան:
