ՈՒԵՖԱ-ն տուգանել է Ադրբեջանի չեմպիոն «Բաքու» թիմին բուլղարական «Լեւսկի» թիմի հետ մրցախաղը եւ ճանապարհումը ոչ պատշաճ կերպով իրականացնելու համար: ՈՒԵՖԱ-ն արդեն Ադրբեջանի ֆուտբոլի ֆեդերացիային հայտնել էր իր դժգոհությունը, իսկ այսօր Բաքվի թիմի տուգանվել է 15 հազար եվրոյով:
Հիշեցնենք, որ հուլիսի 28-ին Բաքվի Հեյդար Ալիեւի օդանավակայանում տհաճ միջադեպ էր գրանցվել օդանավակայանի աշխատակիցների եւ բուլղարական «Լեւսկի» թիմի ֆուտբոլիստների միջեւ: Ֆուտբոլային ակումբին թույլ չէին տվել վերադառնալ հայրենիք, քանի որ արգելվում է գիշերային ժամերին թռչել Ադրբեջանի մայրաքաղաքի վրայով եւ առաջարկել էին 23 հազար եվրո տուգանք մուծել Բաքուն լքելու համար: «Լեւսկի»-ն ստիպված էր եղել վճարել 12 հազար եվրո, որպեսզի մեկնի Սոֆիա: Բուլղարական ակումբի նախագահը խոստացել էր բողոք ներկայացնել ՈՒԵՖԱ-ի նախագահ Միշել Պլատինիին:
