Բրիտանական վիճակագրական տվյալների Office for National Statistics (ONS) ազգային ինստիտուտը կազմել է այս սեզոնի ամենաթանկ զբոսաշրջային ուղղությունները:
Ըստ The Independent-ի, մասնագետները հաշվարկել են, թե զբոսաշրջիկն օրական որքան գումար կծախսի հանգստի համար ամենատարածված երկրներում: 2015 թվականի ամռան համար ամենաթանկ երկիրը կարիբյան Բարբադոսն է: Այստեղ զբոսաշրջիկն օրական 168 դոլար կծախսի:
Վարկանիշի երկրորդ տեղում ԱՄԷ-ն է (156 դոլար): Երրորդ տեղը կիսել են Չեխիան եւ Ավստրիան: Այստեղ ճամփորդներն օրական 142 դոլար կծախսեն: Նրանց հետեւում են Շվեյցարիան (140 դոլար) եւ Բելգիան (136 դոլար):
Ըստ Lenta-ի, ԱՄՆ-ում եւ Լյուքսեմբուրգում զբոսաշրջիկներն օրական 134 դոլար կծախսեն: Վարկանիշի 9-րդ տեղում Նիդեռլանդներն է (125 դոլար), իսկ ամառ-2015-ի ամենաթանկ ուղղությունների տասնյակը եզրափակում է Հոնկոնգը (120 դոլար):
Վարկանիշը կազմելիս մասնագետները հաշվարկել են հյուրանոցի արժեքն ու ընթացիկ այլ ծախսեր: