Սահմանադրական բարեփոխումների արդյունքում պառլամենտական հանրապետություն չի ստացվելու, ստացվելու է պետական հեղաշրջում։ NEWS.am-ի թղթակցի հետ զրույցում նման կարծիք է հայտնել նախկին վարչապետ, ԱԺ պատգամավոր Հրանտ Բագրատյանը՝ պատասխանելով հարցին, թե սահմանադրական բարեփոխումներով իշխանություններն ինչ խնդիր են փորձում։
Նա կարծում է, թե բարեփոխումներով իշխանությունները մի քանի խնդիր են լուծում։ «Եթե ուզում եք համարեք, որ վերարտադրության խնդիր են ուզում լուծել»,- նշեց Բագրատյանը։
Նա նշեց, թե համաձայն չէ այն կարծիքին, որ սահմանադրական բարեփոխումներով չորրորդ հանրապետության սկիզբ են դնում։ «Այդ կարծիքը սխալ է։ Այս սահմանադրությունը հանրապետության սահմանադրություն չէ»,- ասաց նա՝ նշելով, որ այժմ անհրաժեշտություն չկար սահմանադրական բարեփոխումներ իրականացնել։