Ադրբեջանի ՊՆ-ն ցավագին է արձագանքել Հայաստանի պաշտպանության նախարար Սեյրան Օհանյանի հայտարարությանը, ով ադրբեջանական կողմին կոչ էր արել վերջ դնել ռազմական հռետորաբանությանը եւ խուսափել ուժ կիրառելուց:
«Ես խորհուրդ կտայի զերծ մնալ անիմաստ դատարկախոսությունից: Նրանք մեզ սպառնում են քարը քարի վրա չթողել: Այդպիսի կռվողները վաղուց արդեն թողած կլինեին ամեն բան եւ կգային իրենց հայրենասիրությունը ցույց տալու: Լուրջ գործով զբաղվելու փոխարեն նրանք փորձում են սպառնալ»,- ասել էր Սեյրան Օհանյանը:
Դրան ի պատասխան՝ Ադրբեջանի ՊՆ-ն զայրույթախառն հայտարարություն էր տարածել. «Կարծես թե Սեյրան Օհանյանն ամնեզիա ունի: Նա մոռացել է անցյալ տարվա օգոստոսին եւ այս տարվա սկզբին Հյաստանի ԶՈւ-ում ունեցած կորուստների մասին, երբ զոհված հայ զինվորների դիակները մեքենաներով էին տանում: Ստիպված ենք հիշեցնել Սեյրան Օհանյանին ադրբեջանցի զինվորի ուժի մասին, ընդ որում ամենամոտ ժամկետներում»:
Ադրբեջանական լրատվամիջոցները ենթադրում են, որ իրենց ՊՆ-ի այս երկարաշունչ ճառը ոչ այլ ինչ է, քան պատրաստվող գործողության «անոնս»: