Լոռու մարզում հուլիիսի 26-ի երեկոյան ձորը գլորված տրակտորը հայտնաբերվել է, որի մեջ եղել է վարորդի դին:
Ավելի վաղ NEWS.am-ը հայտնել էր, որ հուլիսի 26-ին, ժամը 21.12-ին տեղեկություն է ստացվել, որ Լոռու մարզի Վարդաբլուր գյուղի հյուսիսային հատվածում տրակտորը շրջվել է ձորը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ եւ ՄՓՎ օպերատիվ խումբը:
Պարզվել է, որ «Բելառուս» մակնիշի տրակտորը (վարորդ՝ 67-ամյա Ս. Վ.) դուրս է եկել դաշտամիջյան ճանապարհից եւ շրջվել հարակից ձորը:
Մինչ ժամը 03.04-ը հրշեջ-փրկարարներն իրականացրել են որոնողական աշխատանքներ, որոնց մասնակցել է նաեւ Կարմիր Խաչի Կողես գյուղի արագ արձագանքման խումբը: Այնուհետեւ մթության պատճառով որոնողական աշխատանքները դադարեցվել են եւ վերսկսվել առավոտյան:
Ժամը 04.18-ին օգնության է մեկնել ՀՆՓԱԻ կենտրոնի փրկարարական ջոկատը:
Ժամը 07.00-ին որոնողական աշխատանքները վերսկսվել են:
Տրակտորում հայտնաբերվել է 67-ամյա Ս. Վ.-ի դին:
