Չեխիայի Պլզեն քաղաքի եւ Արեւմտաչեխական երկրամասի այլ քաղաքների հիվանդանոցներ են տեղափոխվել ավելի քան 60 մարդ, որոնք, ինչպես պարզվել է, թունավորվել էին սալմոնելայով վարակված մակարոնից, հայտնում է Nova հեռուստաընկերությունը։
«Փորացավից եւ սրտխառնոցից բողոքող ավելի քան 60 մարդ կիրակի եւ երկուշաբթի տեղափոխվել է Պլզենի եւ Արեւմտաչեխական երկրամասի այլ քաղաքների տարբեր հիվանդանոցներ։ Նրանք բոլորը թունավորվել են տեղական Zrtas գործարանում արտադրված մակարոնից։ Կերակրատեսակը վարակված է եղել սալմոնելայով»,- ասված է հայտարարության մեջ, գրում է «ՌԻԱ Նովոստի»-ն։
Իշխանությունները ստուգումներ են անցկացնում վարակված սննդատեսակից թունավորվելու նոր դեպքերը կանխելու համար։