Ֆիննական Nokia ընկերությունը վիրտուալ իրականության տեսախցիկ է ներկայացրել, որը թույլ կտա իրական ժամանակում ֆիլմեր, հեռուստահաղորդումներ եւ խաղեր նկարահանել՝ ներկայության լրիվ էֆեկտով:
OZO տեսախցիկը փոքր սեխի չափ է եւ գնդի տեսք ունի: 8 օբյեկտիվների եւ 8 առանձին միկրոֆոնների օգնությամբ այն թույլ է տալիս իրական ժամանակում համայնապատկերային լուսանկար ստեղծել ու դիտել: Ընդ որում, նկարահանումից հետո կարիք չկա մշակել այն, իսկ ռեժիսորները կարող են դիտել ֆիլմը հենց նկարահանման վայրում:
Ներկայումս տեսանյութի բովանդակություն ստեղծելու համար տարբեր տեսախցիկների տեսանյութերը մշակվում են, «կարվում են» մեկ պատկերի մեջ՝ նախքան այն կօգտագործվի իրական ժամանակի համար, հաղորդում է BBC-ի ռուսական ծառայությունը:
