ՀՀ ԱԳՆ-ն շարունակում է հետեւել Քիշնեւի հայկական գերեզմանոցի շուրջ ընթացող գործընթացին։ Այս մասին հուլիսի 30-ին՝ Կառավարության նիստից հետո, հայտարարել է ՀՀ փոխարտգործնախարար Շավարշ Քոչարյանը։ «Մի կողմից տարածքը պահպանվում է, իսկ մյուս կողմից՝ այն հանձնված չէ հայկական համայնքին։ Մենք շարունակում ենք հետեւել իրավիճակին եւ փորձում ենք մեր լիազորությունների շրջանակում աջակցել հայկական համայնքին»,- ասել է Քոչարյանը։
Ավելի վաղ NEWS.am-ի թղթակցի հետ զրույցում Մոլդովայի հայկական համայնքի ղեկավար Վեներա Գասպարյանը հայտարարել էր, որ Քիշնեւի քաղաքապետարանը ուզում է վերցնել տարածքը, որը պատմականորեն պատկանում է հայերին, ընդ որում, ոչ միայն եկեղեցու տարածքը, այլ նաեւ նրան հարակից գերեզմանատունը։