Թարմ միսը խանութներում չպետք է վաճառվի առանց ուղեկցող փաստաթղթերի։ Այս մասին հուլիսի 31-ին լրագրողներին հայտարարեց «Իրազեկ եւ պաշտպանված սպառող» ՀԿ նախագահ Բաբկեն Պիպոյանը։

«Եթե խոսքը թարմ մսի մանրածախ վաճառքի մասին է, ապա այդ փաստաթղթերը ամեն ինչի հիմքն են։ Առանց դրանց միսը չի կարելի անգամ ուղարկել անասնաբույժի մոտ ստուգման եւ առավել եւս՝ հանել վաճառքի»,- ընդգծեց նա։

Յուրաքանչյուր խմբաքանակի համար պետք է լինեն համապատասխան փաստաթղթեր, որոնց հիան վրա անասնաբույժը պարտավոր է ամեն օր ստուգել մսի վիճակը, իսկ նրա եզրակացությունը պետք է ունենա անհատական համար, հավելեց Պիպոյանը։