Եվրամիությունը որոշել է 116 միլիոն եվրո տրամադրել Թունիսին ՝ անվտանգության ոլորտի ամրապնդման եւ սոցիալ-տնտեսական ու տարածաշրջանային զարգացման նպատակներով, ասված է Եվրահանձնաժողովի հաղորդագրությունում։
Ինչպես նշված է փաստաթղթում՝ Թունիսում մարտին ու հունիսին կատարված ահաբեկչություններից հետո ԵՄ –ն պատրաստ է «ավելացնել Թունիսին տրամադրվող օգնությունը»։ Ավելի վաղ Եվրահանձնաժողովի նախագահ Ժան Կլոդ Յունկերը հայտնել էր, որ 2015 թ Թունիսին տրամադրվելիք օգնությունը կկազմի գրեթե 290 միլիոն եվրո, փոխանցում է «ՌԻԱ Նովոստին»։
«ԵՄ-ն հաստատել է Թունիսին հատկացվելիք օգնության տարեկան փաթեթի առաջին մասնաբաժինը՝ 116․8 միլիոն եվրոյի չափով։ Այն կուղղվի անվտանգության ոլորտի ամրապնդմանը եւ սոցիալ տնետսական ու տարածաշրջանային զարգացման աջակցմանը»,-նշված է հաղորդագրության մեջ։
ԵՄ դիվանագիտության ղեկավար ֆեդերիկա Մոգերինիի խոսքով՝ «ուժեղ եւ ժողովրդավարական Թունիսը կարեւոր է եվրոպական հարեւանների կայունության տեսակետից»։ «Մեր համագործակցության աշխուժացումը ԵՄ գլխավոր առաջնայնություններից մեկն է , ինչը պարզ երեւում է ԵՄ օգնության առաջին փաթեթի արագ ընդունումից»,- նշել է Մոգերինին, որի խոսքերը մեջբերված են հաղորդագրության մեջ։