Բաքվում ԵԱՀԿ գրասենյակի փակումը կհանգեցնի սահմանափակումներից մեկի վերացմանը, որը սահմանվել էր՝ ռազմական գործողությունները զսպելու նպատակով: Այս մասին NEWS.am-ի թղթակցի հետ զրույցում հայտարարեց Հակամարտությունների ուսումնասիրության եւ վերլուծության բրիտանական անկախ կենտրոնի տնօրեն Քրիստոֆեր Լենգթոնը:
Նրա համոզմամբ, դա ոչ մի կերպ չի նպաստի ղարաբաղյան հակամարտության կարգավորման ուղղությամբ կողմերի ջանքերին: «Ցավում եմ, որ դիվանագետների եւ միջազգային թատերաբեմում այլ խաղացողների մտածողությունն այդպիսի իրադրության հանգեցրեց»,- նշեց Քրիստոֆեր Լենգթոնը:
Հիշեցնենք, որ հունիսի 9-ին Ադրբեջանը ԵԱՀԿ քարտուղարությանը տեղեկացրեց երկրում կազմակերպության նախագծերը համակարգող գրասենյակը փակելու որոշման մասին: Մինչ այդ, ԵԱՀԿ մշտական ներկայացուցչի մակարդակը Բաքվում նվազեցրել էին մինչեւ համակարգողի մակարդակը: