Հայաստանում ռուսական կայազորային զինվորական դատարանը քննելու է դասալքության եւ զենք գողանալու մեջ մեղադրվող ռուս զինծառայող Վալերի Պերմյակովի գործը: Այս մասին ՌԻԱ Նովոստիին հաղորդել է Հյուսիս-կովկասյան շրջանային զինվորական դատարանի մամուլի քարտուղար Ալյոնա Կատկալոն:
Նրա տեղեկացմամբ, գործի՝ «Սպանություն» հոդվածով մասը փոխանցվել է առանձին վարույթ: «Դատարան է փոանցվել Պերմյակովի գործը, որին մեղադրանք է առաջադրվել «Դասալքության», «Զենքի հափշտակման» եւ «Անօրինական զենք կրելու» հոդվածներով»,- ասել է Կատկալոն:
Գործի քննության ժամկետների մասին դեռեւս ոչինչ հայտնի չէ:
Հիշեցնենք, որ Գյումրիում, որտեղ տեղակայված է ռուսական 102-րդ ռազմակայանը, հունվարի 12-ին սպանվել է Ավետիսյանների ընտանիքի 6 անդամ: Վիրավորված 6 ամսական փոքրիկը վախճանվել է հիվանդանոցում, մեկ շաբաթ անց: Հանցագործությունը կատարելու մեջ կասկածում են ռուս ժամկետային զինծառայող Վալերի Պերմյակովին: Նա ձերբակալվել է, խոստավանել մեղքը, իսկ գործի հետաքննությունը վարում էին ռուսական իրավապահները՝ հայ գործընկերների հետ համագործակցությամբ:
