Հայաստանում հարցման մասնակիցների 50 տոկոսը գումար է տնտեսում հագուստի ու կոշիկի հաշվին, իսկ 39 տոկոսը՝ սննդի: Այս մասին են վկայում հուլիսի 6-13ը անցկացված հարցման արդյունքները, որը կազմակերպել էր Հայաստանում Գելլափ ցանցը ներկայացնող «Մարկետինգի հայկական ասոցացիան»:
Ինչպես օգոստոսի 21-ին Երեւանում լրագրողներին հայտնել է ոչ կառավարական կազմակերպության ղեկավար Արամ նավասարդյանը՝ կենցաղային խոշոր տեխնիկայի հաշվին գումար է տնտեսում հարցման մասնակիցների 32 տոկոսը, փոքր տեխնիկայի հաշվին ՝ 25 տոկոսը, կոմունալ ծառայությունների հաշվին ՝ 29 տոկոսը, 28 եւ 27 տոկոսը համապատասխանաբար ՝ ճամփորդությունների ու ժամանցի հաշվին, իսկ 11 տոկոսը՝ տնետսական ապրանքների: Մասնակիցների 15 տոկոսը հայտարարել է, որ առհասարակ գումար չի տնտեսում: Եվ հարցման մասնակիցների միայն 23 տոկոսն է հայտնել, որ արտասահմանից է ստանում նյութական օգնություն՝ դրամի կամ էլ ապրանքների տեսքով: