Mediated Matter հետազոտական խումբը թափանցիկ ապակու 3D տպագրության՝ բարձր ճշգրտությամբ մեթոդ է մշակել:

G3DP անվանումով տեխնոլոգիան ստեղծել են Մասաչուսեթսի տեխնոլոգիական համալսարանի եւ Վիսսի ինստիտուտի մասնագետները: Որպես հումք օգտագործվում է պատրաստ ապակին: Այն հալեցնում են խցիկում, որտեղ ջերմաստիճանը գերազանցում է 1000 աստիճանը: Այնուհետեւ ապակին շերտերով լցնում են՝ նոր օբյեկտ ստանալու համար: Առավելագույն անճշտությունը 0.44 մմ է:

Ըստ Lenta.ru-ի, այս տեխնոլոգիայով ստեղծված առարկաները 2016 թվականին ցուցադրելու են դիզայնի Սմիթսոնյան թանգարանում: