Թուրքիայի բնակիչ Էրքան Գելդին, որը 1990 թվականին ծնվել է Turkish Airlines-ի օդանավում, նույն ավիաընկերությունում աշխատանքի է անցել որպես ուղեկցորդ:
Ըստ The Daily Mail-ի, մայրը Գելդիին լույս աշխարհ է բերել Իզմիր-Ֆրանկֆուրտ չվերթն իրականացնող ինքնաթիռում: Նշվում է, որ տղային կոչել են ինքնաթիռի օդաչուի պատվին:
Անգլերենի ուսուցչի մասնագիտությամբ բակալավրի աստիճան ստանալուց հետո Գելդին որոշել է ինքնաթիռում ուղեկցորդ դառնալ: Հարցազրույցի ժամանակ նա նշել է, որ ոչ թե ինքն է մասնագիտություն ընտրել, այլ մասնագիտությունը՝ իրեն:
Իսկ 2009 թվականին AirASia ավիաընկերությունն իր օդանավերից մեկում ծնված երեխային մինչեւ կյանքի վերջ անվճար թռչելու իրավունք էր նվիրել: