ՀՀ նախագահ Սերժ Սարգսյանն այսօր՝ օգոստոսի 25-ին, շնորհավորական հեռագիր է հղել Հայաստանի Հանրապետության վաստակավոր նկարիչ Արկադի Բաղդասարյանին՝ ծննդյան 70-րդ տարեդարձի կապակցությամբ:
Նախագահի մամուլի գրասենյակի փոխանցմամբ, շնորհավորական հեռագրում ասվում է.
«Նշանակալի է Ձեր ներդրումը արդի հայ կերպարվեստի զարգացման և հայ գեղանկարչության դարավոր ավանդույթները ստեղծագործաբար շարունակելու գործում: Մաղթում եմ Ձեզ քաջառողջություն և նոր ստեղծագործական հաջողություններ»:
