Օգոստոսի 23-ին, ժամը 17.00-ին, ոստիկանության Նոր Նորքի բաժնում հաղորդում է ստացվել, որ Նանսենի փողոցի թիվ 67 շենքի բնակիչներից մեկը գողացել է մի քաղաքացու բջջային հեռախոսը:
Ոստիկանության մամուլի ծառայությունից հայտնում են, որ ձեռնարկված միջոցառումների շնորհիվ պարզվել է, որ հեռախոսը խաբեությամբ եւ վստահությունը չարաշահելով՝ վերցրել է 1977 թ. ծնված Աշոտ Լ.-ն, ով բերման է ենթարկվել բաժին եւ խոստովանել, որ այն 8.000 դրամով վաճառել է Գայի պողոտայում կայանած տաքսի ավտոմեքենայի վարորդին:
Կատարվում է հետաքննություն:
