Գերմանիայի, Ֆրանսիայի եւ Ուկրաինայի ղեկավարները Բեռլինում քննարկել են այսպես կոչված «կարմիր գծերը», որոնք հատելու դեպքում Ռուսաստանի դեմ պատժամիջոցները կուժեղացվեն։ Այդ մասին ճեպազրրույցի ժամանակ հայտնել է Ուկրաինայի նախագահիի աշխատակազմի փոխնախագահ Կոնստանտին Ելիսեեւը, հայտնում է «Ուկրինֆորմը»;
Ելիսեեւի խոսքով՝ նման «կարմիր գծերից» մեկը կարող է դառնալ Դոնեցկի ու Լուգանսկի ժողովրդական հանրապետություններում տեղական ընտրությունների կազմակերպումը։ Նա նշել է, որ Ռուսաստանը «պետք է ճնշում գործադրի իր կողմնակիցների վրա, որպեսզի հետաձգի այդ ընտրությունների անցկացումը»։
Հուլիսի 2-ին Դոնեցկի ինքնահռչակ ժողովրդական հանրապետության ղեկավար Ալեքսանդր Զախարենկոն հայտնել է հանրապետության տարածքում տեղական ընտրությունների անցկացման օրը։ Նա հայտնել է, որ ընտրությունները կկայանան հոկտեմբերի 18-ին։
Ուկրաինայի Գերագույն ռադայի պատգամավորները հուլիսի 14-ին տեղական ընտրությունների մասին օրենք են ընդունել, որն արգելում է քվեարկությունը Դոնբասում,նաեւ Ղրիմում։
