Դաղստանի մայրաքաղաք Մախաչկալայի նախկին քաղաքապետ Սայիդ Ամիրովը ցմահ ազատազրկման է դատապարտվել։ Դոնի Ռոստովի Հյուսիսկովկասյան շրջանային դատարանը նրան մեղավոր է ճանաչել Կասպիյսկի կենտրոնում հրաձգություն կազմակերպելու եւ քննիչի սպանության համար։ Ամիրովը պատիժը կկրի հատուկ ռեժիմով գաղութում։
Բացի Ամիրովից, մեղադրյալի աթոռին էին նստած Յուսուպ Ջափարովը, Ահմեդովների երեք եղբայրները՝ Մուրադ Ալիեւը, Մագոմեդ Կադիեւը եւ Զուբայր Մուտաեւը։
2014թ. հուլիսին Հյուսիսկովկասյան շրջանային դատարանը Ամիրովին եւ Ջափարովին մեղավոր էր ճանաչել ահաբեկչություն կազմակերպելու համար։ Մեղադրական կողմի համաձայն՝ նրանք պլանավորում էին «Ստրելա -2Մ» զենիթահրթիռային համալիրի միջոցով խոցել ուղեւորատար օդանավը, որի մեջ պետք է լիներ Դաղստանի կենսաթոշակային ֆոնդի բաժնի ղեկավար Սագիդ Մուրթազալիեւը։ Ամիրովին դատապարտել էին 10 տարվա ազատազրկման։
Ամիրովը Մախաչկալայի քաղաքապետի պաշտոնը զբաղեցրել է 1998թ.։ Նրան կալանավորել էին 2013թ. հունիսին։