Ուկրաինայի վարչապետ Արսենի Յացենյուկը հայտարարել է, որ, ի հեճուկս թշնամիների ակնկալիքների, Ուկրաինայում դեֆոլտ տեղի չունեցավ։
«Քիչ մարդիկ հույս ունեին, որ Ուկրաինան հաջողությամբ կավարտի բանակցությունները արտաքին վարկատուների հետ։ Մեր թշնամիների ակնկալած դեֆոլտը տեղի չունեցավ»,-ասել է նա օգոստոսի 27 կառավարության նիստը բացելիս։
Յացենյուկը նաեւ հայտնել է, որ առաջիկա 4 տարիների ընթացքում Ուկրաինան չի մարելու պարտքը, իսկ մինչեւ տարվա վերջ նախատեսված կտրոնային վճարումների ժամկետները երկարաձգվել են։
Ավելի վաղ Ուկրաինայի ֆինանսների նախարար Նատալյա Յարեսկոն հայտնել էր, որ Ուկրաինան վարկատուների հետ համաձայնության է եկել 19.3 մլրդ պետական պարտքից 3.8 մլրդ դոլարը ներելու հարցով։