Լոնդոնում հսկայական սարդերի արշավի պատճառով խուճապ է: Որոշների չափը նույնիսկ հասնում է մինչեւ 12 սանտիմետրի: Գիտնականների հավաստմամբ, այդ սարդերն անվնաս են: Սակայն մարդկանց այդպիսի հարեւաններն այնքան էլ հաճելի չեն: Այս մասին գրում է «Ռոսիյսկայա գազետա»-ն՝ վկայակոչելով Fokus ամսագրին:
Սոցիալական ցանցերում սարդերի սարսափեցնող լուսանկարներ են տարածվում, որոնց քաղաքացիները գտնում են ամենից անհավանական վայրերում: Սա վտանգավոր է հատկապես սարդերից խուճապային վախ ունեցողների համար:
Մասնագետները պատճառը համարում են շոգ եւ խոնավ ամառը: Զուգավորման շրջանում սարդերը ձգտում են թափանցել բնակելի տներ եւ ավտոտնակներ, որտեղ չոր է եւ կարելի է սարդոստայն հյուսել: Յուրաքանչյուր էգ կարող է մինչեւ 100 ձու դնել:
