Միլիարդատեր Դոնալդ Թրամփը, ով իր թեկնածությունն է առաջադրել ԱՄՆ նախագահի պաշտոնի համար, Հարավային Կարոլինայում ելույթ ունենալիս թույլ է տվել, որ ունկնդիր կանանցից մեկը դիպչի իր մազերին, որպեսզի ապացուցի, որ դա կեղծամ չէ։ Դիպչելով մազերին ՝ կինը ուղիղ եթերում հաստատել է, որ 69-ամյա գործարարի մազերն իսկական են։
Պատահական սկզբունքով ընտրված ունկնդիրը՝ Հանրապետական կուսակցության անդամ Մերի Մարգարետ Բաննիսթերը, պատմել է, որ մինչ այդ երբեք չէր շփվել Թրամփի հետ։ «Շատ տարօրինակ զգացողություն էր»,-նշել է նա։
Բաննիսթերը ասել է որ առայժմ չի որոշել՝ արդյոք կքվեարկի Թրամփի օգտին,թե ոչ, բայց նշել է, որ նրան հետաքրքիր է լսել եւ որ նա կարողանում է լարված պահել լսարանին, հայտնում է Lenta.ru-ն՝ վկայակոչելով CNN-ը։
Իր ելույթի ժամանակ Թրամփը նաեւ խոստովանել է, որ օգտագործում է մազերի լաք։ Նախագահի պաշտոնի համար Հանրապետական կուսակցության պոտենցիալ թեկնածուի սանրվածքը հասարակական նկատելի հետաքրքրություն է առաջացնում ԱՄՆ –ում։ Հանրահայտ սանրվածքը ու դրա իսկությունը քննարկվում են թերթերում, իսկ սոցցանցերի օգտատերերը «Հարդարիր կատվի մազերը Դոնալդ Թրամփի նման» վերնագրով ֆլեշմոբ են անցկացրել։
