Ուկրաինայի նախագահ Պյոտր Պորոշենկոն ստորագրել է հրաման՝ ըստ որի գործողության մեջ է դրվում օտարերկրյա պետությունների հետ ռազմատեխնիկական համագործակցության մասին Ուկրաինայի ազգային անվտանգության ու պաշտպանության խորհրդի գաղտնի որոշումը։ Այդ մասին հայտնում է Ուկրաինայի առաջնորդի կայքը։
«Գործողության մեջ դնել Ուկրաինայի Ազգային անվտանգության ու պաշտպանության խորհրդի 2015 թ․ օգոստոսի 28-ի «Առանձին պետությունների հետ Ուկրաինայի ռազմատեխնիկական համագործակցության մասին» որոշումը (կցված է, գաղտնի)» ,- ասված է հրամանի տեքստում ։
Ավելի վաղ՝ օգոստոսի 13-ին, Ուկրաինայի նախագահը ստորագրել է հրաման՝ Ազգային անվտանգության ու պաշտպանության խորհրդի «Պետական անվտանգության սպառնալիքների չեզոքացմանն ուղղված անհապաղ քայլերի մասին» որոշումը գործողության մեջ դնելու մասին ։ Ազգային անվտանգության ու պաշտպանության խորհրդի քարտուղար Ալեքսանդր Տուրչինովի խոսքով՝ այս որոշումը ուղղված է դիվերսիոն հետախուզական խմբերի դեմ պայքարն ուժեղացնելուն։