Ֆրանսիայի Լիոն քաղաքում ոստիկանները մարիխուանա վաճառողին ձերբակալել են փողոցում, երբ նա իր ծառայությունը գովազդող թռուցիկներ էր բաժանում։ 32-ամյա տղամարդը կալանավորվել է։
Թմրավաճառը թռուցիկներում գրել էր իր անունն ու հեռախոսի համարը։ Բացի այդ, նա առաջարկում էր գնելուց առաջ փորձել ապրանքը եւ խոստանում էր անվճար առաքում ապահովել նրանց համար, ովքեր 100 եվրո արժողությամբ ապրանք կգնեն, գրում է Lenta.ru-ն՝ վկայակոչելով France24-ը։
Տղամարդու գովազդային արշավը նման ավարտ էր ունեցել այն բանից հետո, երբ անցորդներից մեկը վերցրել էր մարիխուանայի անվճար չափաբաժինն ու թռուցիկը եւ տարել ոստիկանության մոտակա բաժանմունք։
Իր ցուցմունքում տղամարդը հայտարարել է, որ ինքը թմրավաճառ չէ, ուղղակի նոր ընկերներ էր փնտրում մարիխուանա ծխելու համար։