Եգիպտոսը Միջերկրական ծովում խոշոր գազի հանք հայտնաբերելուց հետո 3-5 տարով կասեցնում է գազի ներկրումը, գրում է «ՌԻԱ Նովոստի»-ն։
Եգիպտոսի նավթի եւ հանքային պաշարների նախարարության պաշտոնական ներկայացուցիչ Համդի Աբդալազիզը հայտարարել է, որ գազի հանքը 1967թ. ի վեր հայտնաբերած հանքերից ամենախոշորն է եւ Եգիպտոսին կբավարարի առնվազն 10 տարի։
«Կարեւոր է, որ մենք այս դեպքում այլ երկրներից գազ ներկրելու անհրաժեշտություն չենք ունենա»,- ընդգծել է Աբդալազիզը։
Հաղորդվում է, որ հայտնաբերած հանքը կարող է ազդել Իսրայելի շուկայի վրա, քանի որ ավելի վաղ պլանավորվում էր Եգիպտոսին գազ մատակարարել «Լեւիաթան» հանքավայրից։