Գերագույն ռադային շենքի մոտ հանրահավաք են կազմակերպել «Սվոբոդա»-ի մի քանի հարյուր ներկայացուցիչներ, հայտնում է «ՈՒՆԻԱՆ»-ը:
Հրապարակում խորհրդարանի շենքի առջեւ հավաքված են նաեւ ցուցարարներ՝ Օլեգ Լյաշկոյի «Ռադիկալ կուսակցության» եւ «ՈՒԿՐՈՊ» կուսակցության դրոշներով:
Նրանք պահանջում են, որ Գերագույն ռադան չքվեարկի Սահմանադրությունում ապակենտրոնացման հարցով փոփոխություններ մտցնելու օգտին:
Խորհրդարանի շենքը պահպանում են մի քանի հարյուր իրավապահներ: Նրանց շարքերում են Ազգային գվարդիայի, «Տիտան» հատուկ ստորաբաժանման ներկայացուցիչները, նաեւ կիեւյան ոստիկանության աշխատակիցները: Այս պահին իրավիճակը հանդարտ է: Խորհրդարանական շենքի եւ ցուցարարների միջեւ կանգնած են իրավապահների շարքերը: