Նախագահին առընթեր Սահմանադրական բարեփոխումների մասնագիտական հանձնաժողովի անդամներ Հրայր Թովմասյանն ու Վարդան Պողոսյանը սկսել են հանդիպումները խորհդարանական խմբակցությունների ներկայացուցիչների հետ:
Այսօր հանձնաժողովի անդամները հանդիպել են «Ժառանգության» եւ ՀՅԴ-ի հետ:
NEWS.am-ի թղթակցին «Ժառանգություն» խմբակցության քարտուղար Թեւան Պողոսյանը հայտնեց, որ քննարկել են բարեփոխումների վերաբերյալ հարցեր:
Նշենք, որ անցած շաբաթ հանձնաժողովի անդամները հանդիպել են ՀՀԿ-ի հետ: Նախատեսվում է, որ մինչեւ սեպտեմբերի 4-ը կավարտվեն այդ հանդիպումներից, քանի որ այդ օրը նշանակված են խորհրդարանական լսումներ Սահմանադրության նոր նախագծի վերաբերյալ:
Հիշեցնենք, որ քաղաքական ուժերն արդեն հանդիպել են Հանրապետության նախագահի հետ: Խմբակցություններից միայն «Ժառանգությունն» ու ՀԱԿ-ը չեն գնացել հանդիպման:
