Ուկրաինայի Գերագույն Ռադայի շենքի մոտ բախումներից տուժել է մոտավորապես 100 իրավապահ: Այս մասին հայտնել է Կիեւի ոստիկանապետ Ալեքսանդր Տերեշչուկը, հայտնում է «Ինտերֆաքս-Ուկրաինան»: Ավելի վաղ հայտնել էին, որ բախումների ընթացքում տուժել է Ուկրաինայի ազգային գվարդիայի ավելի քան 50 զինծառայող:
Հիշեցնենք, որ այսօր ազգային պատգամավորները 265 ձայներով առաջին ընթերցումով ընդունել են սահմանադրության մեջ փոփոխությունները՝ ապակենտրոնացման մասով: Օրինագծին դեմ են քվեարկել «Արմատականլ կուսակցությունը» եւ «Բատկիվշչինան»: Փաստաթղթին դեմ են քվեարկել նաեւ «Սամոպոմիչի» պատգամավորների մեծ մասը, «ԲՊՊ» –ի հինգ անդամները, մեկ անդամ «Ազգային ճակատից», նաեւ «Սվոբոդա»-ի անդամները ու ՈւԿՐՕՊ խումբը: Ընդդիմադիր բլոկը միաձայն կողմ է քվեարկել:
Այդ ընթացքում խորհրդարանի շենքի մոտ անցնում էր ՝ Սահմանադրության մեջ փոփոխությունների ընդունման հակառակորդների ցույցը: Իրավապահների ու ցուցարարների միջեւ բախումներ էին եղել: Ցուցարարները օգտագործել են գազի բալոններ, ծխաբեր սարքեր, նաեւ նռնակ են նետել: ՆԳՆ –ից հայտարարել են, որ նման գործողությունները գնահատում են որպես խուլիգանություն: Հիմա խորհրդարանի շենքի մոտ իրավիճակը կայունացել է: