Հայաստանի կառավարությունն ընդլայնելու է զինծառայողներին եւ այլ ուժայիններին մատչելի սպառողական վարկերի սխեման: Այդ մասին որոշումն ընդունվել է կառավարության՝ օգոստոսի 31-ի նիստում:
Արտոնյալ պայմաններով վարկերը տարածվելու են ՊՆ, ԱԱԾ եւ ոստիկանության սպայական կազմի վրա, մինչեւ 1 մլն դրամի սահմաններում, նաեւ ՊՆ պայմանագրային հիմունքներով շարքայինների եւ ենթասպաների, ԱԱԾ ենթասպաների եւ ոստիկանության կրտսեր անձնակազմի վրա՝ մինչեւ 500 հազար դրամի սահմաններում:
Այդ խմբերը կկարողանան կենցաղային տեխնիկայի վարկեր ստանալ մինչեւ 7 տարի ժամկետով՝ տարեկան 12 տոկոսով, որից կառավարությունը սուբսիդավորելու է 2 տոկոսը (ընտանիքում 3 անչափահաս երեխայի դեպքում՝ 3 տոկոսը):
