Ուկրաինայի նախագահ Պյոտր Պորոշենկոն ցնցված է Գերագույն Ռադայի մոտ տեղի ունեցած իրադարձություններից: Այս մասին հաղորդում է ՈՒՆԻԱՆ-ը:
Ուկրաինական նախագահի խոսքով, «Գերագույն Ռադայի մոտ այսօր տեղի ունեցած իրադարձությունները հակաուկրաինական ակցիա են»:
«Այդ իրադարձությունները չի կարելի անվանել այլ կերպ, քան մեջքին հասցված հարված: Դա հակաուկրաինական ակցիա էր, որի համար բոլոր կազմակերպիչները՝ առանց բացառության, քաղաքական բոլոր ուժերի ներկայացուցիչները պետք է խիստ պատասխանատվության ենթարկվեն: Այսօր ինձ մոտ ուժայինների հետ հանդիպում է կայացել, հստակ խնդիրներ են առաջադրվել հետաքննության գործընթացի թափանցիկության վերաբերյալ, եւ պատասխանատվության են ենթարկվելու ոչ միայն կատարողները, այլեւ կազմակերպիչները, ներառյալ՝ քաղաքական»,- ասել է Պորոշենկոն: