ԵՏՄ երկրների վարչապետները սեպտեմբերի 8-ին Բելառուսում քննարկելու են երկրների միջեւ տնտեսական ապագա համագործակցությունը: Այս մասին այսօր՝ սեպտեմբերի 1-ին, լրագրողների հետ զրույցում ասաց վարչապետը:
«Եվրասիական տնտեսական միության երկրների տնտեսություններից է կախված մեր ապագա տնտեսական իրավիճակը: Մենք փորձում ենք մեր հարեւան Իրանի հետ լուրջ ծրագրեր իրականացնել: Վրաստանի հետ ունենք արդյունավետ համագործակցություն»,- ասաց վարչապետը՝ նշելով, որ մեր երկրի տնտեսական վիճակի վրա ազդում է նաեւ տարածաշրջանային տնտեսական վիճակը, եւ ամեն ինչ չի, որ կախված է Հայաստանի կառավարությունից։
Վարչապետի խոսքով՝ Հայաստանի տնտեսությունը լավ վիճակում է. այն դեպքում, երբ մենք ունենք 4 տոկոս տնտեսական աճ, Բելառուսը, Ռուսաստանը, Ղազախստանն ունեն տնտեսական անկում` նշելով, սակայն, որ դա անմիջապես չի կարող արտացոլվել ժողովրդի սոցիալական վիճակում։