Հարկավոր է հստակեցնել ապրանքների՝ «ԵՏՄ ապրանք» կարգավիճակի ճանաչելիության գործընթացները: Այս մասին NEWS.am-ի թղթակցի հետ զրույցում հայտարարեց Հայաստանի Ինֆորմացիոն տեխնոլոգիաների ձեռնարկությունների միության (UITE) իրավաբան Արկադի Սահակյանը:
Նրա խոսքով, դա կօգնի հստակեցնել, թե ազատ տնտեսական գոտիներից ապրանքներն ինչպես պետք է ներմուծվեն Հայաստանի տարածք:
ԵՏՄ ապրանքները կկարողանան ազատորեն տեղաշարժվել Եվրասիական տնտեսական միության ամբողջ տարածքում: Սակայն հասկանալի չէ, թե որ կառույցն է այն տրամադրելու: Ամեն դեպքում, Միության անդամ որեւէ պետության կողմից ծագման մասին սերտիֆիկատի տրամադրությունը բավարար չէ: «Այդ պատճառով մենք պետք է հստակեցնենք, թե որ մարմնին պետք է դիմել»,- հայտարարեց իրավաբանը:
