Երեկ երեկոյան եւ այսօր առավոտյան հակառակորդը կրակել է Տավուշի մարզի սահմանամերձ Բաղանիս գյուղի ուղղությամբ, վնասել տների պատուհաններ եւ պատեր: Այս մասին NEWS.am-ի հետ զրույցում ասաց Բաղանիսի գյուղապետ Նարեկ Սահակյանը՝ նշելով, որ իրավիճակն այժմ հանգիստ է:
«Կրակոցների պատճառով մի քիչ արագացված ենք անցկացրել սեպտեմբերի 1-ի միջոցառումները: Մանկավարժներն արագ-արագ հանձնարարություններ են տվել, երեխաներին շուտ տուն են ուղարկել, մինչեւ տեսնենք` ինչ կլինի: Տոն օրերին միշտ է թշնամին կրակում է մեր միջոցառումները խանգարելու նպատակով»,-ասաց նա:
Գյուղապետը նշեց, որ սահմանամերձ Բաղանիսում այս տարի 13 առաջին դասարանցի է դպրոց հաճախել:
