Բանգկոկի դատարանը Թուրքիայի երեք քաղաքացիների կալանքի օրդեր է տվել, որոնց կասկածում են օգոստոսի 17-ի ահաբեկչության մեջ։ Այս մասին հայտնել է Թաիլանդի ոստիկանությունը։ Կասկածյալներին մեղադրանք է ներկայացվել ապօրինի պայթուցիկ նյութեր պահելու համար, գրում է ՏԱՍՍ-ը։

Ավելի վաղ Թաիլանդի իշխանությունները օտարերկրյա քաղաքացու էին ձերբակալել, որին կասկածում էին Բանգկոկի  ահաբեկչության կազմակերպման մեջ։ «Հիմա նրան հարցաքննում են։ Նա օտարերկրացի է եւ գլխավոր կասկածյալը»,- ճեպազրույցի ժամանակ հայտարարել է երկրի վարչապետը։

Տղամարդուն ձերբակալել էին Կամբոջայի հետ սահմանը հատելու փորձի ժամանակ։

Հիշեցնենք, որ անցյալ շաբաթ Բանգկոկի կենտրոնում պայթյուն կազմակերպելու մեղադրանքով ոստիկանությունը ձերբակալել էր ենթադրաբար Թուրքիայի քաղաքացու։

Հիշեցնենք, որ ահաբեկչությունը խլել էր 20 մարդու կյանք, եւս 125-ը վիրավորվել էին։