Հայաստանի Սահմանադրության նոր նախագծում հաշվի չի առնվել հայկական ընտանիքի դերը։ Այս մասին սեպտեմբերի 2-ին լրագրողներին հայտարարեց նախկին պատգամավոր, իրավաբան Վարդան Խաչատրյանը։ Նրա կարծիքով՝ ընտանիքը դերը սահմանափակված է ընդամենը բնակչության վերարտադրությամբ։
«Բոլորը մոռանում են այն մասին, որ ընտանիքը սերնդեսերունդ փոխանցվող մարդկային եւ ազգային արժեքների կրողն է։ Հենց այդպիսին պետք է Սահմանադրությամբ ընկալվի ընտանիքը»,- հայտարարեց նա։
Նրա խոսքով՝ առանց այդ առանցքային ըմբռնման առաջանում է ընտանիքի՝ որպես հասարակության համար կենսական կարեւոր ինստիտուտի աղավաղման վտանգ։ «Իսկ եթե նույնասեռ ամուսնությունների հնարավորությունը Սահմանադրությամբ արգելվում է, ապա մնում է հնարավորություն, որ երկրի օրենսդրության մեջ կամրագրվի անչափահասների արդարադատությունը՝ դրանից բխող բոլոր հետեւանքներով»,- հավելեց Խաչատրյանը։
