Կոնգոյի դեմոկրատական հանրապետության իշխանությունները արգելել են աղմկահարույց ֆիլմը, որը պատմում է երկրի արեւելքում տեւական հակամարտության ընթացքում բռնության զանգվածային դեպքերի մասին:
«Տղամարդը, ով վերականգնում է կանանց» ֆիլմը պատմում է վիրաբույժ Դենիս Մաքվեգի աշխատանքի մասին հիվանդանոցում, որտեղ բուժվում են խռովարարների ու զինծառայողների կողմից բռնաբարված հազարավոր կանայք:
Կոնգոյի կապի նախարարի խոսքով՝ այս ֆիլմը նկարահանված է բանակին վնաս հասցնելու, նրան վարկաբեկելու հստակ մտադրությամբ, հայտնում է BBC –ի Ռուսական ծառայությունը:
Ֆիլմի պրոդյուսերներից մեկը ՝ բելգիացի Թյերի Միշելը հայտարարել է, որ իրեն բացարձակապես անբացատրելի է թվում ՝ ամբողջ աշխարհում արդեն վեց ամիս է ցուցադրվող ֆիլմն արգելելու մասին կառավարության որոշումը:
Գրոհայինները, ովքեր պայքարում են այդ ռեգիոնում օգտակար հանածոների վերահսկողությունը ստանալու համար, բռնաբարությունների օգնությամբ ահաբեկում են տեղի բնակչությանը, սակայն իրավապաշտպանների տվյալներով, զինվորականները նաեւ պարբերաբար զբաղվում էին կանանց զանգվածային բռնաբարություններով: