Քեմբրիջի համալսարանի հոգեբանները օնլայն ծառայություն են մշակել, որը թույլ է տալիս Facebook սոցցանցում «լայքերի» հիման վրա կազմել մարդու հոգեբանական պատկերը։ Գործիքը կարող է բնութագրել մարդուն՝ ըստ նրա առանցքային առանձնահատկությունների, թե որքանով է նա կյանքից գոհ, ինչպիսի կրոնական, քաղաքական եւ անգամ սեռական նախընտրություններ ունի։
Ավելին՝ Apply Special Sauce կայքը կարող է փորձել գուշակել օգտատիրոջ սեռը, կրթությունն ու ընտանեկան կարգավիճակը՝ կազմելով անհատական բնութագրիչների մեծ հնգյակը՝ էքստրավերսիա, բարեխղճություն, բարյացակամություն, նեյրոտիզմ, նոր փորձին բաց լինել։ Կա կարող է որոշել, թե ազատական են օգտատիրոջ հայացքները, թե պահպանողական, գրում է Vesti-ն։