«Seek McCartney» ֆիլմը, որը պատմում է երկու տղամարդկանց սիրո մասին, վարձույթի արտոնագիր է ստացել Չինաստանում, հայտնում է The Hollywood Reporter -ը: Սա նույնասեռականների հարաբերությունների մասին առաջին ժապավենն է, որը թույլ են տվել ազատ ցուցադրել երկրի կինոթատրոններում: Ակնկալվում է, որ ֆիլմը կթողարկվի այդ ձմեռ, բայց շնորհանդեսի ճշգրիտ օրը դեռ հայտնի չէ:
Դրամայի վրա համատեղ աշխատել են չինացի ու ֆրանսիացի պրոդյուսերները: Ռեժիսոր Վանգ Չաօն տեղական իշխանությունների որոշումը անվանել է «փոքր քայլ գրաքննադատների համար եւ մեծ քայլ բոլոր կինոմատոգրաֆիստների համար»: Ռեժիսորը մոտավորապես մեկ տարի է ծախսել, որպեսզի ֆիլմի ցուցադրումը համաձայնեցնի չինական պետական կառույցների հետ: Ֆիլմում նկարահանվել է չին հայտնի երգիչ Հան Գենը ու ֆրանսիացի դերասան Ջերեմի Էլքեմը, հայտնում է Lenta-ն:
Չինաստանի իշխանությունները չեն մեկնաբանում իրավիճակը: Հայտնի է, որ այս տարվա սկզբին վարձույթի թույլատվություն չեն տրամադրել տեղական արտադրության մեկ այլ ֆիլմի՝ «Փակուղուն», որում երկու տղամարդկանց համբույրի տեսարան կա:
Չինաստանում չի օգտագործվում ռեյտինգների համակարգը, դրա համար էլ կինոթատրոնում ցանկացած ֆիլմ կարող է դիտել ցանկացած տարիքի հանդիսատես: Այդ պատճառով էլ նույնասեռականենրի հարաբերությունների մասին ֆիլմերը ՉԺՀ-ում արգելված են:
