Ադրբեջանում երկրաշարժի հետեւանքով մի կին է ընկել ջրհորն ու մահացել: Այս մասին հայտնում է Ադրբեջանի տեղական հեռուստատեսությունը:
Մահացածը՝ Գեյչայի բնակիչ է, երկու երեխաների մայր:
Մելիքքենդ գյուղի բնակիչ Իբադովա Ռուգիյա Մուսաֆա կըզին ՝ ծնված 1987 թ., երկրաշարժի ժամանակ գտնվում էր իր տան բակի ջրհորի մոտ: Ցնցումների հետեւանքով կինը սայթաքել է ու ընկել ջրհորը: Այդ ժամանակ ջրհորում էլեկտրական ջրի շարժիչ էր աշխատում, որը հոսանքահարել է նրան, հայտնում են ադրբեջանական լրատվամիջոցները:
Այսօր ՝ տեղական ժամանակով 9.49-ին, Շեքիից 29 կմ դեպի հարավ արեւելք երկրաշարժ է եղել: Էպիկենտրոնում գրանցվել են 7 բալ հզորության ստորգետնյա ցնցումներ:
Հարակից բնակավայրերում զգացվել են 5-6 բալ ուժգնության ցնցումներ: Օջախի խորությունը 13 կիլոմետրի էր հասնում, իսկ մագնիտուդը՝ 5.9-ի:
