«Ներազգային ազատագրական շարժման» ղեկավար Վահան Մարտիրոսյանին մեղադրանք է առաջադրվել Քրեական օրենսգրքի 177-րդ հոդվածի 2-րդ մասի հատկանիշներով: Այս մասին NEWS.am-ին հայտնեցին Քննչական կոմիտեի մամուլի ծառայությունից:
Վահան Մարտիրոսյանի նկատմամբ խափանման միջոց է ընտրվել ստորագրությունը չհեռանալու մասին: Նշենք, որ հոդվածը վերաբերում է վստահությունը չարաշահելու եղանակով ուրիշի գույքի զգալի չափերով հափշտակությունը, որի համար նախատեսվում է 2-5 տարվա ազատազրկում:
Ավելի վաղ NEWS.am-ը տեղեկացրել էր, որ oգոստոսի 15-ին «Ներազգային ազատագրական շարժում» նախաձեռնության ղեկավար Վահան Մարտիրոսյանին և նրա կնոջը իրենց տանը մի խումբ անձինք ծեծի են ենթարկել: Վահան Մարտիրոսյանը մեզ հետ զրույցում հայտնել էր, որ օգոստոսի 15-ին երեկոյան իրենց ծեծի են ենթարկել ԱԺ ՀՀԿ խմբակցության պատգամավոր Մհեր Սեդրակյանի մտերիմներն ու թիկնազորի ներկայացուցիչները:
Ավելի ուշ պարզ էր դարձել, որ ոչ թե պատգամավորի հարազատներն են ծեծի ենթարկել Մարտիրոսյանին, այլ ընտանեկան վեճ է եղել:
