Օդեսայի նահանգապետ Միխայիլ Սահակաշվիլին հայտարարել է, որ Ուկրաինայի կառավարությունը վերահսկում են օլիգարխները, գրում է «Ուկրաինսկայա պրավդա»-ն։ Սահակաշվիլին մեկնաբանել է վարչապետ Արսենի Յացենյուկի կողմից ավիաթռիչքների սակագների զեկույցը եւ պետական ավիացիոն ծառայության ղեկավարի գործունեությունը վերանայելու հրաժարվելը։
«Անհասկանալի է, թե ում շահերով է առաջնորդվում Յացենյուկը՝ Կոլոմոյսկու՞, թե Ուկրաինայի տասնյակ միլիոնավոր ուղեւորների։ Յացենյուկը երեկ որոշում է կայացրել Կոլոմոյսկու օգտին այնպես, ինչպես նա պարբերաբար որոշումներ էր կայացնում հօգուտ Ահմեդովի։ Ուկրաինայի կառավարությունը վերահսկում են հենց այդ օլիգարխիկ շահերը»,- ասել է Սահակաշվիլին։
Անդրադառնալով Ուկրաինայի վարչապետի պաշտոնը զբաղեցնելու առաջարկին՝ նա նշել է, որ չի պատկերացնում իրեն այդ պաշտոնում։
«Ես կարծում եմ, որ այս փուլում Ուկրաինայի վարչապետ պետք է դառնա նա, ով առաջին հերթին լավ գլուխ է հանում ֆինանսական հարցերից եւ պաշտպանված է օլիգարխիկ շահերից։ Ես այդպիսին եմ, բայց կարծում եմ, որ կան մարդիկ, որոնք այդ հացերից ինձանից լավ են գլուխ հանում»,- ասել է նա։
