Իրանն ու Հայաստանը հուշագիր են ստորագրել երկու երկրների թանգարանների միջեւ համագործակցության եւ փոխըմբռնման վերաբերյալ։

Հուշագիրը ստորագրվել է Երեւանում բացված «Պերսեպոլիս» լուսանկարների ցուցահանդեսի ժամանակ։ Կողմերը պարտավորվել են երկու երկրների մշակութային ժառանգությանը վերաբերող ցուցահանդեսներ եւ ուսուցումներ անցկացնել, հայտնում է IRNA-ն։

Իրանի թանգարանների միջազգային խորհրդի ղեկավար Սայեդ Մոհամեդ Բեխեշթը նշել է Հայաստանի եւ Իրանի պատմական կապերի դերը հատկապես մշակույթի ոլորտում երկկողմ համագործակցության ընդլայնման ոլորտում։ Նա ընդգծել է, որ «Պերսեպոլիսը» երկու երկրների ընդհանուր նվաճումն է։