Բաքուն անտարբերություն է ցուցաբերում ինչպես մարդու կյանքի նկատմամբ, այնպես էլ իր սեփական ժողովրդի անվտանգության նկատմամբ։ Այդ մասին ԵԽԽՎ-ում հայտարարել է Հայաստանի պատվիրակության անդամ, ԲՀԿ նախագահ Նաիրա Զոհրաբյանը։
Վերջինս նշել է, թե բացահայտ սուտ են Ադրբեջանի պատվիրակ Հուսեյնովի պնդումները, որ Հայաստանը մերժում է ԵԽԽՎ ցանկացած զեկուցողի այցը Հայաստան։ «Կարիք չկա գործընկերներին հիշեցնել, որ դա Ադրբեջանն էր, որ հաստատուն կերպով մերժում էր պարոն Շտրասսերի այցը Ադրբեջան, իր զեկույցը նախապատրաստելու համար։ Դա ակնհայտ փաստ է»,- նշել է Զոհրաբյանը:
«Քննարկելով Վեհաժողովի գործունեությունը, կցանկանայի Վեհաժողովի ուշադրությունը սեւեռել վերջին զարգացումներին, որոնք կապված են Լեռնային Ղարաբաղի հետ:
Լեռնային Ղարաբաղին վերաբերող հարցը նույնպես կարեւորագույն է Վեհաժողովի քաղաքական հանձնաժողովի համար:
Վերջին շրջանում հայ-ադրբեջանական սահմանի լարվածությունը լուրջ անհանգստությունների տեղիք է տալիս: Խախտելով ԵԱՀԿ Մինսկի խմբի խաղաղ բանակցային գործընթացի հիմնական սկզբունքները Ադրբեջանը խոշոր տրամաչափի զինատեսակներ է օգտագործում ինչպես Լեռային Ղարաբաղի սահմանագծին, այնպես էլ ՀՀ Տավուշի մարզի սահմանային գոտում : Միջազգային իրավունքի սկզբունքի խախտման պատճառով զոհերի շարքում են նաեւ խաղաղ բնակիչները:Չորս զինվորներ, ովքեր գտնվում էին հինգ կմ հեռու առաջնագծից եւ զբաղվում էին իրենց առօրյա գործունեությամբ սպանվել են:Իսկ մեկ օր առաջ երեք կին, լինելով իրենց սեփական տանը՝ սեփական այգում, իրենց հարազատների ներկայությամբ սպանվեցին: Ես անձամբ իմ գործընկերների հետ այցելել եմ այդ տարածքները եւ տեսել ավերվածությունները»,- նշել է պատգամավորը:
Նրա խոսքով, այս սադրանքների միջոցով Բաքուն անտարբերություն է ցուցաբերում ինչպես մարդու կյանքի նկատմամբ, այնպես էլ իր սեփական ժողովրդի անվտանգության նկատմամբ: «Սա ադրբեջանական իշխանությունների հերթական փորձն է սեւեռելու ուշադրությունը այդ երկրում մարդու իրավունքների խախտմանը եւ վերջինիս նկատմամբ միջազգային քննադատության աճին: Ադրբեջանը մերժում է վստահության կառուցմանն առաջարկները եւ իրավիճակը կայունացնելուն ուղղված նախաձեռնությունները: Սեպտեմբերի 26ին Մինսկի խմբի համանախագահները ընդունեցին ԵԱՀԿ մեխանիզմը՝ ուսումնասիրելու հրադադարի խախտումները:Հայաստանը համաձայնվել է քննարկել այդ մեխանիզմի մանրամասները :
Խնդրում եմ, որ Վեհաժողովը իր ուշադրությունը սեւեռի Ադրբեջանի պահվածքին եւ միջոցներ ձեռնարկի քանի որ ակնհայտ է, որ հենց ադրբեջանական կողմն է սադրում նոր լարվածություն սահմանին եւ ողջ պատասխանատվությունը հետագա զարգացումների համար կրելու է Ադրբեջանը:Վստահեցնում եմ , որ սա Ադրբեջանի կողմից կազմակերպված սադրանք է:
Կցանկանայի նշել նաեւ, որ Հայական Բանակը ի զորու է պաշտպանել մեր սահմանները , ինչը մեր Բանակը բազում անգամ ապացուցել է»,- ասել է Նաիրա Զոհրաբյանը:
