ՄԱԿ-ի բանաձեւերը շրջանցող ցանկացած պետության գործողություններն անօրինական են: Այս մասին ՄԱԿ-ի Գլխավոր վեհաժողովի 70-րդ նստաշրջանում ելույթի ժամանակ հայտարարել է ՌԴ նախագահ Վլադիմիր Պուտինը:
«ՄԱԿ-ում տարաձայնություններ միշտ են եղել, ինչպես նաեւ վետոյի իրավունքը, ինչը միանգամայն բնական է այսպիսի բազմադեմ կազմակերպության համար: ՄԱԿ-ի էությունը փոխզիջումներ փնտրելն է: ՄԱԿ-ն իրեն հավասարը չունի՝ չնայած բազմաթիվ քննադատություններին»,- հայտարարել է Պուտինը:
Ռուսաստանի ղեկավարի խոսքով, սոցիալական փորձերի արտահանումն այլ երկրներ հանգեցնում է հետընթացի, իսկ հեղափոխությունների արտահանումը՝ ափսոսանքի. «ՄԱԿ-ի հեղինակությունն ու օրինականությունը խարխլելու փորձերը չափազանց վտանգավոր են»: