Օբաման, Պուտինը եւ ՄԱԿ Գլխավոր քարտուղարը ուշացել են սեպտեմբերի 28-ին ՄԱԿ պատվիրակությունների հանդիսավոր ճաշից, որը մատուցվում է նստաշրջանի մեկնարկի առաջին օրը։

Համաշխարհային լրատվամիջոցները շարունակում են ուշադիր հետեւել եւ ամենայն մանրամասնությամբ հասարակությանը ներկայացնել համաշխարհային առաջնորդների հետնաբեմային կյանքը ՄԱԿ-ում։ Ինչպես գրում է Associated Press-ը, Օբաման ճաշից ուշացել է 20 րոպե, նրանից ավելի ուշ եկել է Պուտինը եւ նստել մեկ աթոռ այն կողմ, իսկ նրանց միջեւ պետք է տեղ զբաղեցներ Բան Կի Մունը։ «Նստելով աթոռին՝ Պուտինը ազատ աթոռի վրայով սեղմել է Օբամայի ձեռքը»,- գրում է գործակալությունը։

Հանդիսավոր ճաշը միակ միջոցառումն է, որին սովորաբար ներկա են լինում ՄԱԿ անդամ բոլոր 193 երկրների բարձրաստիճան դեմքերը։

Իսկ ավելի շուտ ժամանած ղեկավարներն արդեն վայելում էին ապխտած իշխանով, վարունգով ու թթու դրած նեխուրով մատուցած ացղանը։

Բան Կի Մունը ծիծաղեցրել է հյուրերին՝ նշելով, որ միայն  ՄԱԿ-ում նույն բեմի վրա մի քանի րոպեի տարբերությամբ կարող են հայտնվել Հռոմի Պապն ու Շակիրան։ «Ես չգիտեի՝ պետք է աղոթե՞մ, թե՞ պարեմ»,- ասել է Գլխավոր քարտուղարը։