«Դուցզյան» թայֆունը, որը սեպտեմբերի 29-ին հասել էր Չինաստանի Ֆուզցյան ու Չժեցզյան ափամերձ նահանգներին, ընդհանուր առմամբ մոտավորապես 652 միլիոն դոլարի վնաս է պատճառել:
Ֆուցզյան նահանգի տնտեսական կորուստները կազմել են 2.4 միլիարդ յուան՝ մոտավորապես 378 միլիոն դոլար: Տարերքը ավիրել է 400 տուն, տուժել է նաեւ 31 հազար հա գյուղատնտեսական ցանքատարածք: Չժեցզյանի տնտեսական կորուստները կազմել են 1.75 միլիարդ յուան ՝ 275 միլիոն դոլար: Ջուրը հեղեղել է 123 քաղաքների ու գյուղերի փողոցներ:
Տեղական իշխանությունները հայտնում են, որ երկու նահանգներում էլ տուժածներ չկան: Ֆուցզյան նահանգում թայֆունի հետեւանքով տարհանվել է ավելի քան 430 հազար մարդ, հայտնում է «ՌԻԱ Նովոստին» ՝ վկայակոչելով «Սինհուա» գործակալությունը: