Փհենյանն ԱՄՆ-ին առաջարկել է հաշտության պայմանագիր կնքել: Սա հիմնական պայմանն է, որպեսզի ԿԺԴՀ-ն մասնակցի Կորեական թերակղզում լարվածության նվազեցմանն ուղղված ջանքերին: Այս մասին հայտարարել է Հյուսիսային Կորեայի ԱԳ նախարար Լի Սու Յոնը՝ ելույթ ունենալով ՄԱԿ-ի գլխավոր ասամբլեայի 70-րդ նստաշրջանում համաքաղաքական քննարկման ժամանակ: Նրա ելույթը նստաշրջանում նախատեսված է այսօր՝ հոկտեմբերի 2-ին, հաղորդում է ՏԱՍՍ-ը:
«ԿԺԴՀ կառավարությունը պատրաստ է կառուցողական երկխոսություն անցկացնել՝ կանխելու համար պատերազմներն ու հակամարտությունները Կորեական թերակղզում, եթե ԱՄՆ-ը համաձայնի հրադադարի մասին համաձայնագիրը փոխարինի հաշտության պայմանագրով՝ լրատվամիջոցների միջոցով չպնդելով ինչ-որ «սադրանքների» մասին»,-հայտարարել է նախարարը՝ հավելելով, որ դա «լավագույն տարբերակն է, որը մենք կարող ենք մեզ թույլ տալ»:
Իր ելույթում Յոնը ձեռնպահ է մնացել Հարավային Կորեայի հասցեին քննադատությունից, սակայն հիշեցրել է Սեուլի եւ Վաշինգթոնի համատեղ զորավարժությունների մասին, որոնք, նրա խոսքով, ամեն անգամ Կորեական թերակղզին կանգնեցնում են «պատերազմի շեմին»: