Հայաստանը գտնվում է աշխարհաքաղաքական բարդ տարածաշրջանում եւ պարտավոր է Ադրբեջանին հարկադրել խաղաղություն: Այսօր՝ հոկտեմբերի 2-ին, լրագրողների հետ հանդիպմանը նման կարծիք հայտնեց ԱԺ ՀՀԿ խմբակցության պատգամավոր Մկրտիչ Մինասյանը՝ անդրադառնալով ՀՀ պաշտպանության նախարարի առաջին տեղակալ Դավիթ Տոնոյանի հայտարարությանը, թե եթե Ադրբեջանը շարունակի իր նման ռազմավարությունը, բանակցային սեղանին կդրվի նոր պայմաններով զինադադարի կնքման պարտադրանքը:
«Դավիթ Տոնոյանը շատ լավ գիտի Հայաստանի եւ Ադրբեջանի հնարավորությունները: Մեր հարեւան երկրի տականք ղեկավարությունը շատ կոգեւորվի, եթե նրանց գործողություններին արժանի հակահարված չտանք: Կարծում եմ՝ ամենակարեւորն այս պարագայում հայոց բանակի ադեկվատ վերաբերմունքն է»,- ասաց Մկրտիչ Մինասյանը:
Հիշեցնենք, որ Ադրբեջանը սեպտեմբերի 1-ից պարբերաբար գնդակոծում է հայկական գյուղերը: Հակառակորդի գործողությունների հետեւանքով 3 խաղաղ բնակիչ է զոհվել:
