Ժողովուրդների ինքնորոշման իրավունքի հետ պետք է հաշվի նստեն ամբողջ աշխարհում: Այս մասին հոկտեմբերի 2-ին ՀՀԿ ԳՄ նիստից հետո լրագրողների հետ զրույցում հայտարարեց Հայաստանի ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:
Նա հիշեցրեց, որ ՄԱԿ-ի Գլխավոր վեհաժողովում ունեցած ելույթում Հայաստանի նախագահ Սերժ Սարգսյանը նկատեց, որ վերջին 70 տարիներին ՄԱԿ-ի անդամների թիվը 51-ից հասել է 193-ի՝ ժողովուրդների ինքնորոշման, սեփական պետականությունը ստեղծելու եւ սեփական ճակատագիրը տնօրինելու իրավունքի շնորհիվ:
«Պարոն նախագահն ընդգծեց այդպիսի իրավունքի՝ որպես հիմնարար իրավունքներից մեկի արշավը»,- հավելեց Շարմազանովը:
